1 | |
HStAOrient5a: 2r Ve dīde‑i ʿibret‑bīne ki ẓulām‑i ġayẓ u şehvet perdedār olmışdur // bāriqa‑i şemʿ‑i hidāyet ve işrāq‑i ṣubḥ‑i seʿādet ile tārūmār // eyle. Rubāʿī [hezec: – – v / v – v – / v – – – / –] Yā rab ki ġarīq‑i lücce‑i ʿıṣyānuz // İlāhī ol gün ki şarāb‑i // zindegānīnüñ ṣoñ qadeḥi içilüb şīşe‑i vücūd şikest ola // meclis‑i ḥaşruñ bed‑mestlerinden qılma İlāhī ol gün ki mīzān‑i ʿadl // qurılub muḥsine mükāfāt ve müsīʾe mücāzāt qısmet olına feyż-i // fażluñ ile Ebū l‑Qāsım şefāʿatından behremend eyle. Naʿt‑i // seyyidi l‑mürselīn ve ẕikr‑i āl ü aṣḥāb‑i güzīn. Naẓm: // [müteqārib: v – – / v – – / v – – / v –] Ebū l‑Qāsım ol raḥmeten li‑l‑ʿālemīn Resūl‑i güzīn mefḫar‑i mürselīn // Anuñ ẕātıdur cümleye mübtedā Ḫaber vėrdi andan qamu enbiyā // Vücūdı olub dürr‑i baḥr‑i qıdem Quruldı niẓām‑i vücūd u ʿadem // Anuñ yüzi ṣuyına bī‑reyb ü şekk Döner encüm ü āsıyāb‑i felek // Nes̱r ʿAlayhi azharu ṣ‑ṣalāwāt mā tarannama l‑ʿanādilu ʿalā š‑šaǧar wa‑anwāru // t‑taḥiyyāt mā tazayyana š‑šaǧara bi‑n‑nūri wa‑ṯ‑ṯamar wa‑ʿalā ālihī wa‑aṣḥābihī ṣāḥibī // maḥāsini l‑āṯār wa‑maṭāyibi s‑samar [ve] baʿdehū bu ḥaqīr‑i pür‑taqṣīr Beyt // [hezec: – – v / v – v – / v – –] Cān kaʿbesinüñ yolında sāʿī Dil‑teşne vü bī‑qarār Nevʿī // [Marginal note:] Tā oldı göñülbeste‑i zencīr‑i rüsūm // Gündüz yaşum eyler elem‑i ḫalq girān // |